Kim Çendən vətəndaşlara SENSASİON təlimat: "Təcili adınızı dəyişdirin"

Son zamanlar verdiyi qərarlarla dünyanı heyrətə gətirən Şimali Koreya lideri Kim Çen Inın verdiyi son əmr vətəndaşları təəccübləndirib. 10 yaşlı qızı Ju-ae ilə eyni adı daşıyanları çağıran Kim Çen In onlardan bir neçə həftə ərzində adlarını dəyişdirmələrini istəyib.

Səlahiyyətlilər ölkə lideri Kim Çen Inın 10 yaşlı qızı Ju-ae ilə eyni adda olanları çağırıblar. Səlahiyyətlilər bu şəxslərə adlarını dəyişməyi tapşırıblar. Bildirilib ki, Ju-ae adlı şəxslər ölkədə araşdırma aparılır və onlardan adlarının dəyişdirilməsi tələb olunacaq.

Şimali Koreyanın Cənubi Pyonqan bölgəsinin yerli hakimiyyət orqanlarına da bir neçə həftə ərzində Ju-ae adlı qadınların adlarının dəyişdirilməsi əmri verilib.

Ölkədə liderin adı Jong-un və liderin həyat yoldaşı Sol-ju ilə eyni adları daşıyanların adlarının dəyişdirilməsi tələb olunub.

Kim Çen In 2022-ci ilin noyabr ayının sonunda qitələrarası idarə olunan raket sınağını izləyərkən qızı ilə ilk dəfə kameralar qarşısına keçib.

Eltac Zülfüqaroğlu/Turkustan.az