Kahramanmaraşda baş verən və 10 bölgədə hiss edilən dəhşətli zəlzələnin dağıdıcı təsirinin ən şiddətli olduğu vilayətlərdən biri olan Hatayda rəsmi dövlət qurumlarındakı kameralar vasitəsilə qeydə alınan yeni görüntülər ortaya çıxıb.

“AzPolitika.info” Türkiyə mətbuatına istinadla xəbər verir ki, generatorla işləyən təhlükəsizlik kameralarının qeydə aldığı görüntülərdə gecə baş verən 7, 7 bal gücündəki ilk zəlzələnin düz 85 saniyə davam etdiyi görülüb.

Zəlzələnin 75-ci saniyəsindən sonra yeraltı təkanların yavaş-yavaş zəifləməyə başladığı məlum olub.