Prezidenti deyib ki, o, bu ilin Azərbaycan ilə Ermənistan arasında münasibətlərin normallaşmasında “irəliləyiş ili olacağına ümidvardı”.

Xəbərdə deyilir ki, Prezident iki dövlət arasında münasibətlərin nizamlanmasına kömək etməkdə Rusiyanın “xüsusi rolu” olduğunu vurğulayıb.

“Ötən il bu istiqamətdə mühüm səy göstərilib, gələcək sülh müqaviləsinin konseptual xarakterini, məhz iki ölkənin ərazi bütövlüyünün və suverenliyinin qarşılıqlı tanınmasını müəyyən edən sənədlər qəbul olunub. Bu, ötən ilin oktyabrında Praqada və Soçidə qəbul edilmiş sənədlərlə təsdiqlənib. Bu sənədlər sülh müqaviləsinə nail olmaq üçün istifadə edilə bilən təməldir”, - İlham Əliyev deyib.

Azərbaycan Prezidenti ölkəsinin Cənubi Qafqaza sülhü qaytarmaq üçün Ermənistan tərəfi ilə, “dostumuz və qonşumuz Rusiya tərəfi ilə müsbət və konstruktiv iş aparmaq əzmində olduğunu” bildirib, prezident az yazıb.

Azərtac yazır ki, Rusiya XİN başçısı Sergey Lavrov iki ölkə arasında iqtisadi əməkdaşlığın göstəricisi olan əmtəə dövriyyəsinin rekord səviyyələrə çatmasından və bunun son hədd olmamasından, ölkəsinin Azərbaycanla həm də mədəni əlaqələrin inkişafında maraqlı olmasından bəhs edib.

“Biz rus dilinin dəstəklənməsinə, bunu arzu edən Azərbaycan vətəndaşlarının həm özlərinin rus dilində danışmaları və işdə bu dildən istifadə etmələri, həm də öz uşaqlarına bu imkanı vermələri üçün hər cür şəraitin yaradılmasına şəxsən Sizin və hökumətinizin diqqətini çox yüksək qiymətləndiririk”, - Sergey Lavrov deyib.

BBC.com