Rusiya döyüş təyyarələri Kanadaya daxil oldu – Son dəqiqə

Kanada Hərbi Hava Qüvvələri öz sərhədləri yaxınlığında 6 Rusiya təyyarəsi qeydə alıb.

Axar.az rbc.ru saytına istinadən xəbər verir ki, bu açıqlama ilə Şimali Amerika Aerokosmik Müdafiə Komandanlığının(NORAD) Mətbuat katibi polkovnik-leytenan Maykl Yazdık çıxış edib.

O, rus təyyarələrinin Alyaska yaxınlığından müşahidə edildiyini bildirib. Yazdık rus qırıcı təyyarələrinin tutulması üçün iki F-22 qırıcılarının havaya qaldırıldığını deyib:

“Alyaska yaxınlığında müəyyən olunan təyyarələr iki yanacaq daşıyan İl-78, iki qırıcı MiQ-31 və iki bombardımançı Tu-95-dir. Biz həmçinin iki bombardımançı təyyarənin saxlanması üçün CF-18-ləri havaya qaldırmışıq. Son beş il ərzində Kanada sərhədlərinə yaxın ərazidə 50 rus bombardımançı təyyarəsinin uçduğu qeydə alınıb”.