Avropa Parlamentinin deputatını Rusiyaya buraxmayıblar

Yaşılların lideri Moskvadan geri qaytarılıb

Yaşıllar partiyasından olan Avropanın tanınmış siyasətçi xanımı Rebeka Harmsın Rusiyaya girişinə icazə verilməyib. Moskva hava limanında üç saat gözlədikdən sonra izah olunub ki, o, Rusiyada “arzu olunmaz şəxs“ hesab olunur. Bu barədə Almaniya mətbuatı xəbər yayıb.

Avropa Parlamentindəki Yaşıllar Partiyası fraksiyasının lideri olan xanın Rebeka Moskvada keçirilən məhkəmə iclasında müşahidəçi kimi iştirak etmək istəyirmiş. Həmin məhkəmədə Ukraynalı pilotla bağlı dinləmələr olmalıydı. Ukraynalı pilot qəsdən adam öldürməkdə ittiham olunur.

Diplomatik pasporta malik olmasına baxmayaraq , Rebeka Harms Moskva hava limanından Almaniyaya geri dönməli olub.

Şübhəsiz ki, Rusiyanın bu davranışı cavabsız qalmayacaq. Avropa Parlamenti bu məsələ ilə bağlı Rusiyadan izahat tələb edəcək.

Elbəyi Həsənli, Sürix