Amerika Birləşmiş Ştatları Azərbaycan və Ermənistan xarici işlər nazirlərinin Berlində görüşünü şərh edərək, “güclü və davamlı” sülhə çağırışlarını təkrarlayıb.

Dövlət Departamentinin sözçüsü Metyu Miller TURANın qarşıdan gələn görüşlə bağlı sualını cavablandırarkən deyib: “Biz hər iki tərəfi güclü, uzunmüddətli razılaşma əldə etməyə çalışmağa çağırırıq”.

Vaşinqton uzun müddətdir ki, Qərb paytaxtlarında yüksək səviyyəli danışıqlarda davamlı sülhə nail olmağa çalışır.
Bununla belə, Berlindəki görüşün ABŞ dövlət katibi Entoni Blinkenin ötən il başlatdığı “Vaşinqton prosesi”nin davamı olub-olmayacağı bəlli deyil.