Gürcüstanın Ermənistanla sərhədində cəbbəxana..

.

Gürcüstanın Ermənistanla sərhədində cəbbəxana...
“Ümumilikdə, 128 tank mərmisi, 3 969 partlayıcı mina detonatoru və 15 480 yaylı partlayıcı götürülüb”
Gürcüstanda ermənilərin yaşadığı regionda silah arsenalı aşkar edilib.

ANS PRESS-in məlumatına görə, Gürcüstanın cənubunda Ermənistanla həmsərhəd olan Samtsxe-Cavaxetiya regionunda hüquq-mühafizə orqanlarının əməkdaşları yerin altından 100-dən çox tank mərmisi və təxminən 4000 mina detonatoru çıxarıblar.

Bu barədə “RİA Novosti” Gürcüstan DİN-nə istinadən məlumat yayıb.

“Ümumilikdə, 128 tank mərmisi, 3 969 partlayıcı mina detonatoru və 15 480 yaylı partlayıcı götürülüb” - deyə DİN-in məlumatında bildirilib.

Faktla bağlı Gürcüstan Cinayət Məcəlləsinin 236-cı maddəsi ilə (qanunsuz silah-sursatın saxlanılması və əldə edilməsi) cinayət işi başlanıb.