Ermənistanda mitinqlərə start verildi (VİDEO)

[media=http://www.youtube.com/watch?v=ycbBbcVau7k]
Sarkisyana qarşı İrəvanda hər həftə aksiyalar keçirəcəklər

Ermənistanda mitinqlərə start verən nümayişçilər prezident Serj Sarkisyanın istefasını tələb edir. "Çiçəklənən Ermənistan”, “İrs” partiyaları və Erməni Milli Konqresi növbəti kütləvi etiraz aksiyalarına başlayıb. Erməni Milli Konqresinin lideri Levon- Ter Petrosyan aksiyada xalq qarşısında çıxış edib. O, Ermənistanın bu günkü vəziyyətinin ağır olmasında Serj Sarkisyanı ittiham edib.

Partiya liderləri bəyan ediblər ki, onlar Sarkisyana qarşı İrəvanda hər həftə aksiyalar keçirəcəklər. Aksiyaların oktyabrın 31, noyabrın 7-i və 14- də keçiriləcəyi bildirilir.

“İrs” partiyasının lideri Raffi Ovannisyan deyib ki, hazırkı hökumət istefa verməlidir və 2015-ci aprelin 24- nə qədər növbədən kənar parlament və prezident seçkiləri keçirilməlidir.
“Çiçəklənən Ermənistan” partiyasının lideri Qaqik Tsarukyan isə tələb edib ki, ölkədə iqtisadi sahədə təcili islahatlar həyata keçirilməlidir.

“Mən 2009-cu ildə biznesi stimullaşdıran iqtisadi islahatların keçirilməsinə ehtiyac olduğunu demişdim. Amma qulaq asan olmadı. Nəticədə işsizlik 43%-ə yüksəldi. 15 min müəssisə isə bağlandı”- deyə Qaqik Tsarukyan bir daha vurğulayıb.