Bred Pitt aparıcının üzünə tüpürdü

ABŞ-ın məşhur aktyorlarından olan Bred Pitt ona keçmiş həyat yoldaşı aktrisa Cenifer Eniston haqda sual verdiyi üçün aparıcının üzünə saqqız tüpürüb.

Bred Pitt komediya aktyoru Zak Qaliifianakisin aparıcısı olduğu verilişinin qonağı olub. Müəyyən müddət sonra iki həmkarın söhbəti məcrasını dəyişib və hətta Pitt Qaliifianakisin üzünə tüpürüb.




Zak özünü hələ veriliş başlamamışdan əvvəl operatorlardan birinə şikayətlənib: “Keçən dəfə prezident Barak Obamanının özü ilə danışmışam, indi isə Bred Pitt kimi axmaq "aktyorcuq"lardan müsahibə almaq məcburiyyətindəyəm”.

Bred isə özünü elə aparıb guya onun sözlərini eşitmir.

Müsahibə başladıqdan sonra isə aparıcı aktyora qıcıqlandırıcı suallar verməyə başlayıb. Zakın Bred Pittə ünvanladığı “ Siz düşünmürsünüz ki, insanlar o qədər sizin zahiri görünüşünüzə adaptasiya olurlar ki, sizin necə alçaq biri olduğunuza fikir vermirlər?” - sualına aktyor dözməyərək ağzındakı saqqızı onun üzünə tüpürüb.

Asan olmayan söhbətə baxmayaraq aparıcı aktyora hədiyyə verməyi unutmur