Keçmiş əri Gülbeni təriflədi

“Anadolu atəşi”nin rəhbəri, Gülben Ergenin keçmiş həyat yoldaşı Mustafa Ərdoğan "Uşaqlarımın başqa biriylə eyni evdə yaşamasını qəbul edə bilmərəm" açıqlamasına yenidən aydınlıq gətirib.


Ərdoğan “Həftə sonu” jurnalına verdiyi açıqlamada Ergenin çox yaxşı ana olduğunu bildirib:

“Üç uşağımın anasıyla əlaqədar pis bir şey deyə bilmərəm. Ona çox şey borcluyam, üç aslan kimi uşaq verdiyi, yaxşı yetişdirdiyi və yaxşı ana olduğu üçün də təşəkkür edirəm. Övladlarımın üçünün də sənətin bir sahəsi ilə məşğul olmasını istəyirəm. Rəqqas olmalarını çox istəyirəm”.