Kadırov: “Obama, get işinlə məşğul ol!”

Çeçenistan lideri Ramzan Kadırov ABŞ prezidenti Barak Obamaya dövlət işlərilə məşğul olmağı məsləhət görüb.

Kadırov bu haqda özünün İnstagram səhifəsində yazıb.

“Biz Rusiya xalqının qəhrəmanı Vladimir Putini dünya liderləri sırasında ilk yeri tutduğuna görə təbrik edirik. Barak Obamanın isə düşünmək üçün hələ vaxtı var. O, mənim atıma sanksiya tətbiq etmək əvəzinə getsin dövlət işilə məşğul olsun”, - deyə Kadırov vurğulayıb.

Qeyd edək ki, ABŞ-ın Forbes jurnalının versiyasına görə Putin 2-ci ildir ki, dalbadal dünyanın ən nüfuzlu siyasətçisi hesab edilib.