Şadlıq evinin qarşısında “avtoş”ların özbaşınalığı - Video

Bu kadrlar Yasamal rayonunda, “İnşaatçılar” metrostansiyasının yaxınlığındakı şadlıq evinin qarşısında çəkilib. Özü də “avtoş”luq edənlər toya gələn gənclərdir.
ANAXEER.az -in avtosfer.az-a istinadən məlumatına görə, bu video “Youtube” sosial şəbəkəsinə Babək Əliyev adlı şəxs tərəfindən bu il yerləşdirilib. Kadrlardan görünür ki, bəy-gəlin maşını şadlıq evinə yenicə çatıb.

Onları müşayiət edən ağ və qara rəngli “VAZ-2107” markalı avtomobillər yolda təhlükəli vəziyyət yaradırlar.

Onların “qəhrəmanlığı” nəticəsində ətrafdakı insanlar narahat olurlar, sonra hamı “tamaşaya” baxmağa başlayır. Bundan həvəslənən “avtoşlar” yolun əksinə hərəkət edərək daha təhlükəli manevrlərlə ölümlə rəqs edirlər.

Bu kadrlar həvəskar operator tərəfindən çəkilib və bir az uzaqdan lentə alındığı üçün avtomobillərdən yalnız bəy-gəlin maşınının və ağ rəngli “07”nin dövlət nömrə nişanlarını görmək mümkündür. Bəy-gəlin maşınının nömrəsi 90 NG 584, ağ rəngli “07”nin nömrəsi isə 10 KK 069-dur.[media=http://www.youtube.com/watch?v=2Ex1A3tgOpQ]