Əməkdar artistdən Azərbaycanı tərk etməsi xəbərinə açıqlama

Əməkdar artist Fidan Hacıyeva Azərbaycanı tərk etməsi ilə bağlı gəzən şayiələrə son qoyub.

“Gündəlik” verilişinin qonağı olan opera ifaçısı xaricdə yaşaya bilmədiyini deyib:

“Deyirlər ki, guya mən İngiltərədə yaşayıram, ora köçürəm. Bu yalan xəbərlər mənə toxunur. Azərbaycandan uzaqda yaşaya bilmərəm.

Həyat yoldaşım Filip 16 ildir burada yaşayır. Üç övladım var. Biri balacadır, digər ikisi Azərbaycan dilini gözəl bilir. Böyük qızım Azərbaycan ədəbiyyatı ilə maraqlanır.

İngiltərəyə yalnız qayınanama baş çəkməyə gedirik”.