Bakıda 19 yaşlı gənc qəfil öldü

İlkin ehtimala görə, gənc dərmandan zəhərlənib

Bu gecə Bakının Binəqədi rayonu ərazisində 19 yaşlı gənc ölüb. Binəqədi rayon Polis İdarəsi 5-ci polis bölməsindən verilən məlumata görə, hadisə 7-ci mikrorayon ərazisində qeydə alınıb.

Həmin ünvanda yaşayan Fuad Mikayılovun halı pisləşib. Hadisə yerinə təcili tibbi yardım həkimləri çağırılıb. Onu qıcolma ilə xəstəxanaya aparıblar.
Həkimlərin səylərinə baxmayaraq onun həyatını xilas etmək mümkün olmayıb.

İlkin ehtimala görə, gənc dərmandan zəhərlənib. Lakin ölümün səbəbləri aparılacaq araşdırmalardan sonra məlum olacaq.

Faktla bağlı araşdırma aparılır.