Ruspərəstlər “Azadlıq” radiosunun müxbirini döydülər

Ukraynada rusiyameylli separatçıların qarışıqlıq salması və qanunsuz olaraq hakimiyyəti ələ keçirmələri prosesləri davam edir.

Xarkovda Ukraynanın federallşması mitinqinin iştirakçıları “Azadlıq” radiosunun müxbiri Vladimir Noskova hücum ediblər.

Mitinq iştirakçılarını izləyən jurnalist və onun çəkiliş qrupu Ukrayna bayraqlarını yandıran rusiyameyllilər tərəfindən hücuma məruz qalıb.

Kütlənin əlindən jurnalistləri milislər zorla alaraq rayon milis şöbəsinə aparıblar.

“Azadlıq” radiosunun müxbiri Vladimir Noskovun sözlərinə görə, onlara məxsus texnika zədələnməyib, lakin onun özü bədən xəsarətləri alıb.