İŞİD Müdafiə nazirinin qohumlarını qaçırdı

İŞİD qüvvələri İraqın Müdafiə naziri Xalid əl Übeydinin qohumlarından olan 11 nəfəri qaçırıb.

İraq Müdafiə Naziriyinin adının çəkilməsini istəməyən rəsmilərindən biri qaçırılan şəxslərin 15 nəfər olduğunu, sonradan onların 4-nün azad olunduğunu deyib.

Məlumatı verən şəxs bildirib ki, İŞİD Übeydinin Mosuldakı evini də qərargaha çevirib.

Qeyd edək ki, Übeydi bir müddət əvvəl hökumətin nəzarətindən çıxan ərazilərin İŞİD-dən təmizlənəcəyi sözünü vermişdi.