Bir gündə iki nəfər özünü öldürüb - ŞƏKİDƏ

Şəkidə bir gündə iki nəfər intihar edib.

Şəki şəhər-rayon Polis Şöbəsindən APA-nın Şəki-Zaqatala bürosuna verilən məlumata görə, hadisələrdən biri rayonun Orta Zəyzit, digəri isə Qoxmuq kəndində qeydə alınıb.

1935-ci il təvəllüdlü, Orta Zəyzit kənd sakini Minayə Lətif qızı Mahmudova özünü yaşadığı evin həyətyanı sahəsindəki tut ağacından asıb.

Rayonun Qoxmuq kənd sakini, 1941-ci il təvəllüdlü Rəhman Davud oğlu Rəsulov isə yaşadığı evin tavanından özünü asıb. 79 yaşlı Minayə Mahmudova və 74 yaşlı Rəhman Rəsulovun hansı səbəbdən intihar etdiyi məlum deyil.

Hər iki faktla bağlı Şəki rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.