Sərxoş azərbaycanlı müğənni yol polisinə belə yaxalandı (VİDEO)

Özünü "tanınmış şəxs" kimi təqdim edən müğənni çəkilişə etiraz edib

Şou-biznes Dekabrın 6-dən 7-nə keçən Bakı şəhər Dövlət Yol Polisi İdarəsinin əməkdaşları tərəfindən paytaxt ərazisində keçirilən reyd zamanı bir neçə sərxoş sürücü saxlanılıb. Onlardan biri də özünü tanınmış şəxs kimi təqdim edən Əşrəf Tağıyevdir.

İdarə etdiyi "Mersedes" markalı avtomobillə Binəqədi şosesində saxlanılan sürücünün sərxoş olduğu aşkarlanıb və müayinə üçün sərxoşların tibbi müayinə mərkəzinə gətirilib. Burada fotolarının çəkilməsinə etiraz edən Əşrəf Tağıyev bunu onunla əsaslandırıb ki, tanınmış şəxsdir, ayıbdır. Avtosfer.az-ın əməkdaşına isə deyib ki, müğənnidir, tez-tez televiziya kanallarında çıxışlar edir.

Tibbi müayinə zamanı məlum oldu ki, Ə.Tağıyev yüngül dərəcəli sərxoşdur. DYP əməkdaşları onun barəsində inzibati protokol tərtib etdikdən sonra müğğəninin idarə etdiyi avtomobil cərimə meydançasına aparıldı.[media=https://www.youtube.com/watch?v=nAv-TtaMlwc]