AzadlıqRadiosunun Bakıdakı ofisində axtarışdan sonra qapı möhürləndi - FOTO

Prokurorluq işçiləri AzadlıqRadiosunun Bakıdakı ofisində axtarış işlərini başa vurub, ofisin qapısını möhürləyiblər.

Müstəntiq Sənan Paşayev möhürlənmə qərarını, aktın sürətini radionun təmsilçilərinə verməkdən imtina edib.

Vəkil Yalçın İmanov bildirir ki, müstəntiq mühafizə üçün polis əməkdaşlarını çağırıb. Yəqin ki, qapılar möhürləndikdən sonra polisə təhvil veriləcək.

Müstəntiq yalnız onu bildirib ki, ola bilsin növbəti istintaq hərəkətləri üçün ofisə baş çəkəcəklər.

Sonda Prokurorluğun əməkdaşları AzadlıqRadiosunun Bakıdakı ofisinin qapısını möhürləyərək, polisə təhvil veriblər.