Türkiyə “Kürdüstan”a muxtariyyət verir

“Biz Kürdüstanı öz dilimiz, mədəniyyətimizlə yalnızca özümüz idarə edəcəyik”. Bu açıqlama ilə Türkiyə Xalqların Demokratik Partiyasının sədri Səbahət Tuncel çıxış edib. O, artıq muxtar Kürdüstan qurmağa hazır olduqlarını bildirib: “Demək istədiyim odur ki, qarşımızda uzun bir zaman var. Qarşımızdakı zaman demokratik, muxtar Kürdüstanı inşa etmə və eyni zamanda Türkiyəni demokratikləşdirmə vaxtıdır. Biz Kürdüstanı öz dilimiz, mədəniyyətimizlə yalnız özümüz idarə edəcəyik. Artıq bunu tələb edən yox, inşa edən olacağıq. Digər bir tərəfdən isə birlikdə yaşayacağımız xalqları da dəyişdirəcəyik. Ankaranı da dəyişdirəcəyik. Yaxın Şərqin xalqları ilə gözəl gələcək quracağıq”.