İŞİD 2 jurnalisti edam etdi

Terrorçular öldürülən jurnalistlərin keçən il itkin düşdüklərini deyir

İŞİD terrorçu qruplaşması iki jurnalisti edam edib. Bu barədə France Press xəbər agentliyi məlumat yayıb. Xəbərdə bildirilir ki, İŞİD-in Liviyadakı döyüşçüləri iki tunis jurnalisti edam ediblər. Terrorçular özləri bu barədə açıqlama veriblər.

Terrorçular bildirirlər ki, edam edilənlər 2014-cü ilin sentyabrında itmiş Sofen Şurabi və Nadir Ktarindir. Tunis hakimiyyəti hələlik jurnalistlərin edam edilməsini təsdiqləməyib.

Qeyd edək ki, İŞİD-çilər bundan əvvəl də amerikalı, fransalı və britaniyalı jurnalistləri də edeam etmişdilər. Onların başlarını kəsmişdilər.