İŞİD imamı: “Böyük müharibəyə hazır olun!”

İŞİD terror qruplaşmasının imamlarından biri Əbu Əsad Ənsari böyük müharibə ilə bağlı xəbərdarlıq edib.

Axar.az xəbər verir ki, Ənsari bunu Mosulda cümə namazındakı xütbəsində deyib.

“Bu müharibədə ya şəhid olacağıq, ya da qələbə qazanacağıq”, - Ənsari bildirib.

İmam “Ömər ibn Xəttab” məscidindəki çıxışında İraq ordusu və Peşmərgə qüvvələrinin Mosula qarşı böyük əməliyyat həyata keçirəcəklərini deyib.

Onun sözlərinə görə, koalisiya qüvvələrinin bombardmanları onlara heç bir ziyan vura bilməyib.