İŞİD-dən qaçan qızlar yaşadıqları dəhşətləri danışdılar

Terror təşkilatı İŞİD tərəfindən qaçırılan və daha sonra öz səyləri ilə xilas olmağı bacaran qızlar, girov qaldıqları dövrdə başlarına gələn dəhşətləri danışıblar. Bizimyol.info xəbər verir ki, qızların danışdıqlarından sonra onları dinləyənlər göz yaşlarına hakim ola bilməyiblər.

Sincarın Tel Azar kəndindən qaçarkən Mezra bölgəsində ailəsiylə birlikdə İŞİD-ə əsir düşən kod adı “Vaha” olan 17 yaşlı qız, başına gələnləri belə danışıb: “Gözlərəmizin qarşısında 17 kişini vəhşicəsinə öldürdülər. Öldürülən insanlar yaxınlarının gözlərinin içinə baxaraq canlarını təslim etdilər. Öldürülənlərin arasında qızların atası, qardaşı və əmiləri də var idi. 23 qadını əsir aldılar. Mən də onların içərisində idim. Bizi Mosulun Baac qəsəbəsinə apardılar. Baacda digər bölgələrdən gələn qadınlar da var idi. Ümumilikdə 200 qadın var idi. Bizi daha sonra yük maşınlarına dolduraraq Mosula apardılar. Ətraf kənd və mahallardan yığdıqları qadınlarla birlikdə 500 nəfər olduq. Bizi Mosulda “Galaxy” toy salonuna gətirdilər. Salonda 10 gün aç qaldıq. İnsanlara çox pis davranırdılar. Qadınlara təcavüz edirdilər. Çox qorxmuşduq. Nə edəcəyimizi bilmirdik. Daha sonra bizi qruplara ayırdılar və satdılar. Məni hər gün döyərək təcavüz edirdilər. Mənimlə birlikdə 20 qadını Əbu Leyd adında bir kişiyə satdılar. Bizi bir evə apardılar və burda da bizi İŞİD döyüşçüləri arasında böldülər. Mənə sahib olmaq istəyən bir adama əvvəl etiraz etməyə çalışdım. Digərlərinin yanından ayrılmaq istəmədim. Daha sonra məni döyərək apardı. Hər gün döyərək təcavüz etdi. 5 yaşındakı bir qızı 50 yaşındakı bir adama satdılar. O qıza nə etdilər heç birimiz bilmirik. Çox çətin günlər keçirdik. Bir gün Mosula yaxın bölgələr bombalandı. Həmin vaxt qapıda dayanan növbətçi qaçmağa başladı. Biz də gecə saat 11.00-da olduğumuz evdən qaçmağı bacardıq. Hələ də gecələr kabus görürəm. Sanki kimlərsə məni qaçıracaqmış kimi hisslər yaşayıram.”

Yenilik.Az