Yasir Ərafatın qatili tapıldı

“Fələstindən olan müstəntiqlər Yasir Ərafatın ölümündə təqsirkar olan şəxslərin kimliyini müəyyənləşdiriblər”.

Axar.az xəbər verir ki, bu açıqlama ilə Yasir Ərafatın işi üzrə istintaq komissiyasının sədri general Taufik Tirau çıxış edib.

O, Ərafatın ölümündə birbaşa günahkarın İsrail olduğunu bildirib:

“Biz Ərəfatın ölümündə İsrailin günahkar olduğunu bilirik, amma əsas məqsədimiz birbaşa bu işin iştirakçısını tapmaqdır. Biz Ərəfata zəhər verən adamın kimliyini müəyyən etmişik. Hazırda bu məlumatın tam doğru olmasını yoxlayırıq”.

Qeyd edək ki, Yasir Ərafat Fələstin Azadlıq Təşkilatının yaradıcısı olub. O, uzun müddət Fələstinə rəhbərlik edib. Məşhur lider 2004-cü ildə Fransadakı xəstəxanalardan birində dünyasını dəyişib.