Azərbaycanda Kəbəni təhqir edən oyuncaq - FOTO

Beyləqanda dinimizi təhqir edəcək oyuncaq aşkar edilib.

Milli.Az islam.az-a istinadən bildirir ki, Beyləqan rayon sakini Ruslan Nəzərovun övladına, Bakıdan nənəsi tərəfindən aldığı hədiyyə görənləri təəccübləndirib. Alınan helikopter oyuncağı işə düşən zaman divarda İslam mədəniyyətinin əsas mərkəzi olan Məkkə şəhərində yerləşən Kəbə evinin bombalanması əks olunur. Ruslan Nəzərov oyuncaqların uşaqların psixologiyasına pis təsir göstərə biləcəyindən narahatdır.

“Uşaq nənəsi ilə Bakıya gəzməyə gedəndə alıb gətiriblər. Orada nənəsi alıb bunu. Özünün də xəbəri olmadan. İşdən gəlmişdim. Uşaq oyuncağı oynadanda lazer divara düşdü. Gördüm Kəbənin şəkli var. İngiliscə də nəsə deyir bombalayır. Guya Kəbəni bombalayır”, - Ruslan Nəzərov belə deyib.

Övladının gələcəyi üçün ciddi narahatçılıq keçirən ata bu kimi oyuncaqların ölkəmizə gətirilməsinin qarşısını alınmasını xahiş edib.

Milli.Az