Rus təyyarəsi Türkiyə səmasına soxuldu – Gərginlik

Türkiyə Hərbi Hava Qüvvələrinə məxsus F-16 təyyarələri ölkənin hava məkanını pozan rus təyyarəsinə qarşı xəbərdarlıq uçuşu həyata keçiriblər. Axar.az xəbər verir ki, bu barədə Anadolu agentliyi məlumat yayıb. Məlumatda qeyd olunub ki, Rusiyaya məxsus İl-20 təyyarəsi Türkiyənin hava məkanını pozan uçuş həyata keçirib. Buna cxavab olaraq iki F-16 qırıcısı Bandırmadakı aerodromdan qalxaraq əvvəlcə Kırklarəli istiqamətində uçublar. Daha sonra qırıcılar Kırklarəli-İstanbul-Kocaeli-Sakarya-Düzcə-Kastamonu-Sinop istiqamətində uçan Rusiya təyyarəsini təqib ediblər.