İçərişəhərdə öldürülən falçı kim olub?

Bakıda öldürülən 45 yaşlı falçı müştərisini aldadıbmış. Tahir Talıbovun bıçaqlanıb qətlə yetirilməsinə səbəb kimi onun qarşı tərəfin pulunu mənimsəməsi göstərilir.

Axar.az-a İçərişəhər sakinindən verilən məlumata görə, hazırda istintaq əməliyyat-axtarış tədbirləri davam etdirilir. Ehtimal olunur ki, özünü Hacı Tahir kimi təqdim edən şəxs vətəndaşa kələk gəlib.

İçərişəhərdə, Firdovsi 5 ünvanında kirayə yaşayan T.Talıbov ailə həyatı qurmamış xanımların bəxtini açmaqla məşğul imiş.

Ona müraciət edənlərin əksəriyyətinin qızlar olduğu deyilir. Həmçinin, kəbin kəsmək, dua yazmaq işlərinə də baxırmış. Hadisə martın 14-də baş verib.