Şəkidə 76 yaşlı kişi arvadını baltaladı

Ötən gün axşam saatlarında Şəkidə yaşlı kişi arvadını dəhşətli şəkildə öldürüb.

Rayon Prokurorluğunun müstəntiqi Vüqar Orucovun ANS PRESS-ə verdiyi məlumata görə, Şəkinin Baş Göynük kəndində 76 yaşlı kişi 68 yaşlı arvadını balta ilə qətlə yetirib.

Hadisə axşam saat 22 radələrində rayonun qeydə alınıb. Hadisə zamanı 1939-cu il təvəllüdlü İslam Zəkəriyyə oğlu Abduyev ailə münaqişəsi zəminində həyat yoldaşı, 1947-ci il təvəllüdlü İrayə Məmməd qızı Məmmədovanın baş nahiyəsindən balta ilə vurub. Qadın aldığı zərbədən hadisə yerində ölüb.

Hadisəni törədən İslam Abduyev saxlanılıb. Dindirilmə zamanı məlum olub ki, kişi əvvəldən həyat yoldaşı ilə yole getmirmiş. Onlar arasında tez-tez dava-dalaş olub. Dünən axşam saatlarında isə mübahisə zamanı yaşlı cütlük əsəblərini cilovlaya bilməyiblər. Onlar qarşılıqlı olaraq bir-birilərinə söyüş işlədiblər. Bu zaman İslam Abduyev baltaya əl atıb.

Faktla bağlı Şəki Rayon Prokurorluğunda cinayət işi başlanıb, araşdırma aparılır.