Rusiyada 53 min uşaq evdən qaçıb

Rusiyada ötən il evdən və dövlət müəssisələrindən (internat, uşaq evi) qaçan uşaqların sayı 53,1 min nəfər təşkil edib. Modern.az Rusiya mətbuatına istinadən xəbər verir ki, bu barədə Rusiya baş nazirinin 1-ci müavini Olqa Qolodets məlumat verib.

Onun sözlərinə görə, 2013-cü ildə bu göstərici 41 min olub və 22 faiz artıb. Uşaq və yeniyetmələrlə bağlı sənədlərdə 2014-cü ildə Rusiyada hər 5-ci uşağın dəfələrlə evini tərk etdiyi də vurğulanıb:
“Uşaqların və yeniyetmələrin evdən qaçmasına əsas səbəblər – ailədaxili münaqişələr, valideynlərin övladlarını nəzarətsiz qoyması, yaşayış səviyyəsinin aşağı olması və s. hallardır”.

Ekspertlər isə Rusiyada 5 milyondan artıq insanın evsiz olduğunu bildirir.

Modern.az