Banqladeşdə qasırğa: 38 ölü, 240 yaralı (VİDEO)

Banqladeşin şimal-qərbindən keçən qasırğa azı 38 nəfərin ölümünə, 240-dan çox insanin xəsarət almağına səbəb olub.

ANS TV-nin məlumatına görə, ölənlərin əksəriyyəti Boqra bölgəsinin sakinləridir. İnsanların çoxunun ölümünə qasırğa zamanı ağacların aşmağı səbəb olub.

Qasırğa 30 minə yaxın evi tamamilə dağıdıb. 70 mindən çox yaşayış binası və 250-dən çox inzibati bina da qismən dağılıb. 100 minə yaxın ailəyə maddi ziyan dəyib.

140 min sakinin isə işıqsız qaldığı bildirilir.