Daha bir erməni əsgəri məhv edildi

Dağlıq Qarabağdakı qondarma erməni rejiminin “müdafiə nazirliyi” daha bir işğalçının məhv edildiyini açıqlayıb.

Virtualaz.org saytı xəbər verir ki, separatçı rejimin yaydığı açıqlamaya əsasən aprelin 7-də saat 17:15-də təmas xəttində Azərbaycan ordusunun mövqelərindən açılan atəşlə 20 yaşlı əsgər Levon Muşeqoviç Mirzoyan öldürülüb.

İnsidentin təmas xəttinin hansı istiqamətində baş verdiyi göstərilməyib. Bununla da düşmən ordusunun ilin əvvəlindən etibarən təkcə rəsmən açıqlanan itkilərinin sayı 28-ə çatıb.

Virtualaz.org