9 ay hamilə olduğunu anlamadı

9 ay hamilə olduğunu anlamadı. ANS PRESS-in "Daily Mail"ə istinadla verdiyi məlumata görə, 24 yaşlı qadın hamilə qalmamaq üçün həblərdən istifadə edib. Məhz buna görə Nikki Kelli hamilə qalmaq şansı olmadığını düşünüb.

Lakin dərmanlar təsir göstərməyib. Bətnində körpəsi olan qadın 9 ay heç nədən şübhələnməyib. O, hamilələrə xas xüsusiyyətləri də özündə görməyib. Onun qarnı belə bilinməyib. Ancaq tez-tez ayaqyolundan istifadə edib. Bunu isə o böyrəklərində baş verə biləcək soyuqlama ilə əlaqələndirib.

Uzun səfərdən sonra ayaqyoluna gedəndə isə qəfildən doğuş sancısı başlayıb. Nə baş verdiyini anlayana kimi Nikki oğlunu dünyaya gətirib.

Xoşbəxtlikdən 9 ay müddətində həkim nəzarətində olmayan ana və körpənin səhhətində problem yoxdur.