Bakıda bahalı maşınları yandıran manyak yaxalandı

Suraxanıda çoxsaylı avtomobil yandırılması ilə əlaqədar daxil olan şikayətlər əsasında polis araşdırmalara başladı. Çox çəkmədən maşınlara od vuran şəxs saxlanılıb.

ANS TV-nin məlmatına görə, çoxsaylı avtomobil yandırılması ilə bağlı şikəyətlər əsasında Suraxanı Rayon Polis İdarəsinin əməkdaşları əməliyyata başlayıb.

Rayon sakinləri Əliyev Malik Zakir oğlu, Kərimova İradə Firudin qızı və İzətullayeva Nazimə Səfərəli qızına məxsus avtomobillərin gecə saatlarında evlərinin qarşısında yandırıldığı məlum olub.

Araşdırmalara başlayan polis əməkdaşları şübhəli şəxsi tez bir zamanda müəyənləşdirməyə müvəffəq olub. Məlum olub ki, avtomobillərə od vuran şəxs Lənkaran rayon sakini 40 yaşlı Fuad Xuduşovdu. Polis əməkdaşları onu çalışdığı avtoyuma məntəqəsində saxlayıb.

Suraxanı RPİ-nin müstəntiqi Laçın Əliyev bildirib ki, hadisəni tərədən əvvələr də bir neçə dəfə məhkum olunmuş Xuduşovdu Fuad Akif oğludur: "Dindirmə zamanı o, avtomobillərin yandırılması ilə bağlı tutarlı heç bir əsas göstərməyib. Hazırda Suraxanı Rayon Məhkəməsi tərəfindən üç aylıq həbs qətimkan tədbir seçilib”.

Xuduşovun sözlərinə inansaq, o avtomobilləri yandıran zaman sərxoş olubmuş. Əməlinə sipirtli içkinin təsirini donunu geyindirən Fuad sonradan peşiman olub:

“Gecə saat 12, 1 radələrində spirtli içki qəbul etmişdim. Siqaret çəkmək məqsədilə aşağı düşdüm. Siqaretim qurtarmışdı deyə siqaret axtarmağa başaldım. Bir də elə bil ki, şeytan məni aldatdı. Gördüm ki, küçədə bir maşın dayanıb. Yerdən kağız parçasını götürüb yandırdım. Yandırandan sonra kağız parçasını maşının təkərinin altına atdım”.

Maşınlara od vurub daha sonra heç nə olmamış kimi evinə dönən Fuad indi həbsxana divarları arxasından, yanan maşınların timsalında itirdiyi azadlığını düşünməli olacaq. Amma cəzasının necə olacağına isə sonda məhkəmə qərara verəcək.