İlham Əliyev bir neçə icra başçısını dəyişdi

Ölkə başçısı İlham Əliyev bir neçə icra başçısı ilə bağlı sərəncamlar verib.

Eldar Əzizov Sumqayıtın icra başçısı vəzifəsindən azad edilib. Onun yerinə Abşeronun icra başçısı Zakir Fərəcov təyin olunub.

Abşeronun icra başçısı vəzifəsinə isə İradə Gülməmmədova təyin edilib. İ.Gülməmmədova buna qədər Abşeron RİH-də şöbə müdiri və başçının müavini işləyib.


Bakının Nəsimi rayonunun icra başçısı da dəyişib. Nəsib Məhməliyev Nəsiminin icra başçısı vəzifəsindən çıxarılıb, onun yerinə isə Səbail rayonunun icra başçısı Asif Əsgərov təyin olunub.

Səbailin ocra başçısı vəzifəsinə isə Sumqayıtdan çıxarılan Eldar Əzizov təyin olunub.

Nəsib Məhməliyevlə bağlı isə hələlik yeni təyinat yoxdur.