15 yaşlı məktəblini bıçaqlayıb öldürdülər

Zaqatalada məktəbli bıçaqlanaraq qətlə yetirilib. Hadisə bu gün saat 21 radələrində Zaqatala şəhəri, Vidadi küçəsində qeydə alınıb.
Hələ ki, adı və soyadı açıqlanmayan 15 yaşlı məktəbli naməlum şəxs tərəfindən bıçaqlanıb. Yeniyetmə aldığı xəsarət nəticəsində hadisə yerində keçinib.

Meyit müayinə olunmaq üçün Zaqatala mərkəzi rayon xəstəxanasına aparılıb. Hazırda polis və prokurorluq əməkdaşları hadisə yerində araşdırma aparır.