Ölkə iqtisadiyyatı fəlakətli həddə; Rəsmi rəqəmlər ...

Azərbaycan hakimiyyətinin inkişafdan danışmasına baxmayaraq rəsmi rəqəmlər bunun əksini göstərir. Bu rəqəmlər ölkə iqtisadiyyatının fəlakətli həddə olduğunu göstərir. Məsələn, aydın olur ki, Azərbaycan neft satışından gəlirlər 8 milyard dollar azalıb. Dövlət Gömrük Komitəsinin məlumatına görə, 2015-ci ilin ilk 9 ayı ərzində gömrük bəyannamələri əsasında 6 milyard 814 milyon 606 min dollarlıq xam neft ixrac edib. Bu, 2014-cü ilin ilk 9 ayı ilə müqayisədə 54,1 faiz və ya 8 milyard 3 milyon 794 min dollar azdır.

Bundan başqa Dövlət Gömrük Komitəsinin məlumatlarına əsasən, 2015-ci ilin yanvar-avqust aylarında ölkənin xarici ticarət dövriyyəsinin həcmi 14,082 milyard ABŞ dolları olub. Məlumatların müqayisəsi göstərir ki, ölkənin xarici ticarət dövriyyəsi bu ilin 8 ayında 10 milyard dollar (36 faizdən çox) azalaraq 27,6 milyard dollardan 17,6 milyard dollara qədər düşüb. Ixrac isə 47 faizə qədər və ya 10,3 milyard dollar azalıb.

Bu faktlar hakimiyyət nümayəndələrinin iqtisadi inkişaf barədə iddialarını alt-üst edir.