Akif Çovdarovun oğlu və kürəkəni villalarından qaçıb

Bu gün haqqında 3 ay müddətinə həbs-qətimkan tədbiri seçilən, MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarova məxsus villalardan köç başlayıb.

Musavat.com-un xəbərinə görə, A.Çovdarovun Badamdarda yerləşən yan-yana 3 villasında yaşayan oğlu və kürəkəni villalardan köçüblər.

Artıq 2 gündür villalarda yaşayış yoxdur. A.Çovdarovun ailə üzvlərinin əşyaları da villalardan aparılıb.

Əldə etdiyimiz məlumata görə, köç Çovdarovun həbs edildiyi gün başlayıb.

Xatırladaq ki, bir neçə gün əvvəl Çovdarova məxsus yan-yana 3 villanın fotolarını təqdim etmişdik. Bu villalardan birindək Çovdarov, digər ikisində isə oğlunun və qızının ailəsi yaşayırdı.