Prokurorluq əməkdaşları məmuru rüşvət alarkən həbs etdi

Baş Prokuror yanında Korrupsiyaya Qarşı Mübarizə Baş İdarəsinin əməkdaşları Əmək və Əhalinin Sosial Müdafiəsi Nazirliyinin Suraxanı rayon tibbi-əmək ekspert komissiyasının sədrini həbs ediblər.

Mediaxeberleri.az xəbər verir ki, bu barədə virtualaz.org saytına hüquq-mühafizə orqanlarındakı mənbələrdən məlumat verilib.

İnformasiyaya görə, komissiya sədri Fasad Mustafayev rüşvət aldığı məqamda yaxalanıb.

Baş Prokurorluğun mətbuat katibi Eldar Sultanov virtualaz.org saytına açıqlamasında faktı təsdiqləyərək araşdırma getdiyini bildirib.