"Bank of Baku" qadını intihara mәcbur etdi

Abşeron rayonunda intihara cəhd hadisəsi baş verib.

Musavat.com xəbər verir ki, hadisə Xırdalan şəhərinin "Quşçuluq massivi"ndə qeydə alınıb.

1984-cü il təvəllüdlü Əsgərova Əsmər Həsən qızı intihar məqsədilə xeyli miqdarda dərman həbi içib, daha sonra isə bıçaqla özünə xəsarətlər yetirib. 31 yaşlı qadın ağır vəziyyətdə 1 saylı Şəhər Klinik Xəstəxanasına çatdırılıb. Hadisə barədə polisə xəbər verilib, araşdırmalara başlanılıb.

İlkin məlumata görə, Əsmər Əsgərova iri banklardan birinə - "Bank of Baku"ya borcludur. Bank əməkdaşları ondan borcunu ödəməyi tələb ediblər. Buna imkanı olmayan qadın intihara cəhd edib.

Mövzuya qayıdacağıq.


Musavat.com