Bu cinayətin rəhbəri Ramiz Mehdiyev hesab edilir

«Gülər Əhmədovanın cinayət işinə baxan məhkəmə hakimlərinə beynəlxalq sanksiya tətbiq edilməlidir»

Fəaliyyəti dayandırılmış Azərbaycan Beynəlxalq Universitetinin rektoru, hazırda Fransada yaşayan Elşad Abdullayev keçmiş deputat Gülər Əhmədovanın fikirlərinə münasibət bildirib. Qeyd edək ki, Gülər Əhmədova “mandat qalmaqalı” barəsində danışarkən bunun bir oyun olduğunu deyib: “Hamı gözəl bilir, o nə oyun idi”, – deyə keçmiş deputat bildirib.

Elşad Abdullayev Gülər Əhmədovanın bu iddiasını əsassız sayır. Keçmiş rektoru ortada videofaktın olduğunu bildirir:


Insan nə qədər riyakar olmalıdı ki, 10 milyonluq xalqın gözünə baxa-baxa desin ki, bu videolar montajdır! Bir daha təsdiq edirəm ki, həmin gizli videolar əsli ilə düzdü, Fransadada ekspertiza bunu təsdiq etdi. Bu videolar obyektiv maddi sübutlardı.

Sizin etdiyiniz cinayətdən bütün dünyanın mediası şoka düşdü. ABŞ Dövlət Departamentinin, ATƏT və Avropa Şurasının hesabatlarında bu cinayətin rəhbəri Azərbaycan Prezident Administrassiyasının rəhbəri Ramiz Mehdiyev hesab edilir.

Bir hüquq professoru olraq, keçmiş deputat Gülər Əhmədova haqqında qəbul edilmiş bütün məhkəmə qərarları siyasi sifarişlə qəbul edildiyi üçün qanunsuz hesab edirəm. Onlar ləğv olunmalıdır, məhkəmə hakimləri haqqında Beynəlxalq sanksiya tətbiq edilməlidir.

Gülər Əhmədova yalandan məlumat verir ki, onkoloji xəstə olduğu üçün xaricə getməlidir. Biz inanmırıq. Ona görə ki, xarici ölkələrdən Azərbaycanın Onkoloji Xəstəxanasına hər il yüzlərlə xarici vətəndaşlar gəlir, yaxud da, akedemik Əhliman Əmirlaslanovun Onkoloji Xəstəxanasına bütün MDB gəlir. Onun xraicə getməsi bir bəhanədi. Əslində, Ramiz Mehdiyevin məkrli siyasətidir.

Gülər Əhmədovanın mediaya belə danışması bir daha təsdiq edir ki, Azəraycn dövlətçiliyi və onun ədalət mühakiməsi sağalmaz hüquqi böhran vəziyyətindədir”.