Ziya Məmmədov 100 milyonu havaya sovurub

Nəqliyyatın İntellektual İdarəetmə Mərkəzi niyə işləmir?

Artıq bir müddətdir ki, Nəqliyyatın Intellektual Idarəetmə Mərkəzi faktiki olaraq fəaliyyət göstərmir. Bunun səbəbi isə bəlli deyil. Bu qurum yarandığı ilk günlərdən özünü doğrultmamışdı. Xüsusilə sürücülər sistemin düz işləməməsindən narazılıq edirdilər.

Onlar bildirirdilər ki, dayanacaqlarda qurulan monitorlar vaxtı düz göstərmir. Indisə həmin monitorlar ümumiyyətlə işləmir. Qeyd edək ki, Nəqliyyatın Intellektual Idarəetmə Mərkəzinin yaradılmasına 100 milyon manat vəsait sərf edilib. Dayanacaqlarda qurulan monitorların hər birinə 10 min manat verildiyi bildirilir.


Beləliklə, 100 milyon manat faktiki olaraq havaya sovrulub.