Rövşən Lənkəranski Türkiyədə izdihamla yad edildi: Cənazə Lənkərana gətirilir – VİDEO

Türkiyədə baş vermiş silahlı hücumdan sonra xəstəxanada dünyasını dəyişən azərbaycanlı avtoritet Rövşən Canıyev (Lənkəranski) üçün qılınan cənazə namazından görüntülər sosial şəbəkələrdə yayılıb.
Musavat.com xəbər verir ki, R.Lənkəranskinin meyiti Türkiyədə xəstəxanadan məscidə aparılıb. Orada cənazə namazı qılındıqdan sonra, Azərbaycana yola salınıb. Onun nəşinin yaxın dəqiqələrdə özəl təyyarə ilə Lənkəran aeroportuna enəcəyi gözlənilir.
APA-nın əldə etdiyi məlumata görə, təyyarənin saat 00.00 radələrində Lənkəran Beynəlxalq Hava Limanında enəcəyi gözlənilir. Xatırladaq ki, bundan əvvəl yayılan məlumatda təyyarənin Lənkərana 21.45-də enəcəyi bildirilmişdi. Onu da qeyd edək ki, Rövşən Lənkəranskinin cənazəsi şəhərin Kiçik Bazar məscidində yuyulduqdan sonra vidalaşmaq üçün ata evinə gətiriləcək.
R.Lənkəranskinin cənazə namazından görüntüləri təqdim edirik: