Kəmaləddin Heydərovun qaranlıq keçmişi - narkotik ticarəti, 3 aylıq həbs və erməni dost

2004- cü ildə həftəlik dərc olunan “Reallıq” qəzetində gedən bir məqalədə azərbaycanlı nazirlərdən birinin Rusiyada həbs olunduğu barədə məlumat verilmişdi. Həmin yazıda 1991 –ci ildə Rusiyada narkotik maddələrin satışı ilə məşğul olan indiki nazirin 2 ay həbsdə yatdıqdan sonra müəmmalı şəkildə azadlığa çıxmasından bəhs olunurdu.

“Reallıq” qəzeti həmin hadisənin qaranlıq tərəfinə aydınlıq gətirmək üçün hətta , Rusiyaya əməkdaşını ezam edir və nazirin cinayət işini aparan prokurorun fikirlərini öyrənir. Bildirək ki, apardığımız araşdırmalar bizi daha ciddi faklarla üzləşdirdi. Əməkdaşlarımızın bir aya yaxındır ki, araşdırdığı bu hadisə ölkədə mühüm vəzifə tutan məmurlardan birinin əsl kimliyinə aydınlıq gətirir.

Beləki, hazırda Azərbaycanda Fövqəladə Hallar naziri olan Kəmaləddin Heydərov 1991 –ci ildə Rusiyanın Kuzminsk vilayətində, Akademik Mil kücəsində yaşadığı mənzildə həbs olunur. Həbs zamanı K. Heydərovun məskunlaşdığı evdən çoxlu miqdarda narkotik vasitələr aşkar edilərək götürülür. Polisin axtarışından və nazirin dindirilməsindən sonra 3 aylıq həbs tədbiri həyata keçirilir. Kəmaləddin Heydərovun narkotik vasitələrin satışını təşkil etməsi və satması ittihamı ilə həbs olunmasından sonra Rusiyanın Kusminsk vilayət prokuroru şəbəkənin digər üzlərinin kimliyini araşdırır. Nəticədə 10-dan artıq nufuzlu şəxs həbs olunur və şəbəkənin yayınan üzləri barədə axtarış elan edilir. Prokurorluğun və polisin hərəkətə keçməsi şəbəkənin başında duran şəxslərinin kimliyinin üzə çıxmasına aydınlıq gətirməkdə idi. Lakin hadisədən, yəni Kəmaləddin Heydərovun həbsindən bir ay keçməmiş Kuzminsk prokurorluğuna cinayət işinə xitam verilməsi barədə tapşırıq gəlir. Həmin tapşırığın Rusiyanın ali orqanlarından gəldiyinə şübhə qalmır. Belə ki, cinayət başında yaxalanaraq barəsində 3 aylıq həbs qəti imkan tədbiri seçilərək barəsində şimal qonşunun cinayət məcəlləsinin 3 ağır maddəsi ilə cinayət işi açılan Kəmaləddin Heydərov dərhal azadlığa buraxılır.

Hadisələrin bu cür inkşafı, müəmmalı şəkildə və cəmiyyətin diqqət mərkəzində olan cinayətin ört-basdır edilməsi “Reallıq” qəzetinin əməkdaşlarının marağına səbəb olur. Qəzet rəhbərliyi Rusiyadakı imkanlarından istifadə edərək baş verən hadisənin gizli məqamlarına aydınlıq gətirməyə çalışır. Qəzetin 1 aya yaxın davam edən araşdırmasından sonra məlum olur ki, Kəmaləddin Heydərovu həbsdən qurtaran Makaryan adlı erməni olur. Onun təzyiqi ilə K.Heydərovu həbsdən azad edən Kuzminsk vilayət prokurorluğu cinayət işinin istiqamətini dəyişir. Azərbaycanlı nazirlə yanaşı şəbəkənin daha vacib bir neçə üzvü də həbsdən azadlığa buraxılır.
Qəzetin Kuzminsk prokurorluğunda cinayət işinə nəzarət edən prokurora verdiyi sorğuya aldığı cavabda Makaryanın hadisəyə müdaxiləsi təsdiqini tapır. Bu hadisədən sonra və araşdırmalar nəticəsində məlum olur ki, Fövqəladə Hallar naziri Kəmaləddin Heydərov erməni Makaryanla narkotik ticarətində şərikdirlər. Onlar uzun illər bir yerdə kirli pulların qazanılmasında həmrəylik nümayiş etdirib və Rusiyada geniş narkotik ticarətini həyata keçirən şəbəkə formalaşdırıblar. Həmin şəbəkənin Azərbaycanda, İranda, Gürcüstanda, Ermənistanda geniş fəaliyyət göstərdiyi üzə çıxır. Narkotik biznesinindən gələn gəlirlər isə Kəmaləddin – Makaryan cütlüyünün yaratdığı digər biznes şəbəklərinə yönəldilir.

erməni Makaryanın əslində kim olduğu və biznesdən başqa hansı sahədə fəaliyyət göstərdiyini araşdıran “Reallıq” qəzeti maraqlı faktla da üzləşib. Belə ki, araşdırmalar nəticəsində məlum olub ki, Kəmaləddin Heydərovun dostu və şəriki olan erməni - Ermənistan Sahibkarlar İttifaqının rəhbəri Qaqik Makaryandır. Qaqik Makaryanın düşmən ölkədə böyük nufuz sahibi olduğu və Rusiyada yüksək vəzifə tutan oliqarxlarla dostluq etdiyi danılmaz faktdır. Onu da qeyd edim ki, Kəmaləddin Heydərov hazırda da adıçəkilən şəxslə biznez fəaliyyətini davam etdirir. Hadisədən bir müddət keçəndən sonra Kuzminsk prokurorluğunda çalışan və təqaüdə çıxan prokurorun 1991-ci ildə baş verənlərlə bağlı “Reallıq” qəzetinə söylədiyi fikirlərə və hazırda Kəmaləddin Heydərovun erməni şəriklərlə qurduğu gizli ticarətə növbəti yazıda aydınlıq gətirəcəyik.
Ardı var.
İkram Rafiqoğlu

“Reallıq” qəzetinin və Reallıq.info – nun baş redaktoru