General Novruzəli Orucov haqqında iddialar əsassız çıxdı

General Novruzəli Orucov haqqında iddialar əsassız çıxdı

Bir neçə gün əvvəl anaxeber.info saytı «Səfərbərlik və Hərbi Xidmətə Çağırış üzrə Dövlət Xidmətində generalların yorğan davası» adlı yazı ilə çıxış etmişdi. Qeyd edək ki, həmin yazılardakı məlumatlar anaxeber.info saytının email adresinə gəlmişdi.

Yazı dərc olunuduqdan sonra qarşı tərəfin əsaslı tələbinə əsəasən yazıdakı iddiaları bir daha araşdırdıq. Xatırladaq ki, dərc olunan yazıda iddia oluunurdu ki, Səfərbərlik və Hərbi Xidmətə Çağırış üzrə Dövlət Xidmətinin rəis müavini general mayor Novruzəli Orucov 1993-cü ildə Qarabağ müharibəsi zamanı fərarilik edib. Məsələ ilə bağlı apardığımız araşdırma zamanı Novruzəli Orucovun döyş yoldaşları ilə əlaqə saxladıq. Onlar da bildirdilər ki, Novruzəli Orucov Ağdam istiqamətində döyüşlərdə iştirak edib və komandanlıq etdiyi hərbi hissə müxtəlif döyüşlərdə erməni separatçılarına qarşı rəşadətlə döyüşüb. Apardığımız araşdırma zamanı məlum oldu ki, həmin məlumatları anaxeber.info saytına yollayan mənbə qərəzli olub və General Novruzəli Orucov haqqında iddialar heç də həqiqəti əks etdirmir. anaxeber.info saytı olaraq yaranmış vəziyyətlə bağlı təəssüfümüzü bilidir və General Novruzəli Orucovla bağlı saytımızda dərc olunan iddiaları təkzib edirik.

anaxeber.info