“Heç yerə gedəsi deyiləm”- ZİYA MƏMMƏDOVDAN AZƏRBAYCANI TƏRK EDƏCƏYİ XƏBƏRİNƏ REAKSİYA

20 ilə yaxın tutduğu nazir postundan sonra Ziya Məmmədovun hansı işlə məşğul olacağı ictimaiyyət üçün maraqlı olaraq qalır. Bəzi iddialarda sabiq nazirin Azərbaycanı tərk edəcəyi də deyilir.
Gununsesi.info-nun əməkdaşı sabiq nəqliyyat naziri Ziya Məmmədovla telefon əlaqəsi saxlayaraq, bu barədə ona sual ünvanlayıb.
Saytımıza açıqlamasında Ziya Məmmədov hazırda evində olduğunu, istirahət etdiyini deyib: “Mən evimdəyəm. Heç yerə də gedəsi deyiləm”.
“Hansı işlə məşğul olmağı düşünürsünüz, uzun illər hakim komandanın üzvü kimi yeni təyinat gözləyirsinizmi” sualına isə sabiq nazir belə cavab verib: “Nə işlə məşğul olacağımı mən bilirəm. Bu başqaları üçün niyə maraqlı olmalıdır ki? Kimsəyə də hesabat vermirəm. Sizə də təşəkkür edirəm”.