“İki il öncə təyyarədə ona belə bir təklif etdim” - Eldar

Müğənni Eldar Qasımov Ukraynanın “Eurovision-2013” təmsilçisi Zlata Oqneviclə işbirliyindən danışıb. açıqlamasında ifaçı Ukrayna təmsilçisi ilə duetini tezliklə təqdim edəcəyini bildirib:


“Zlata ilə duet ifa etmişik, “İce and fire” adlanır. Artıq hazırdır. Yaxın günlərdə ölkəmizdə təqdim olunacaq. Zlata Ukraynada deputatlığa namizədliyini irəli sürüb. Ona görə də fasilə vermişik. Çoxdan onu tanıyırdım. İki il öncə təyyarədə gəlirdik, ona mahnılarımı göstərdim, duet oxumağı təklif etdim. Sonra o “Eurovision”a getdi, mən başqa işlərimlə məşğul oldum. Yenidən əlaqə saxladıq və bu duet ərsəyə gəldi. Gələcəkdə yenə işbirliklərimiz də olacaq”.

Qeyd edək ki, Zlata Oqneviç “Eurovision-2013”də üçüncü yerə çıxıb.