BMT itkiləri açıqladı

Ukraynada gedən döyüşlərdə tərəflərin verdikləri itkilər 4 mini keçdi

BMT Ukraynanın şərqində gedən döyüşlərdə tərəflərin verdikləri itkiləri açıqlayıb.

ANAXEBER.TV saytı anspress.com saytına istinadən bildirirki, qurumun "Twitter" səhifəsində Donetsk ərazisində müharibənin gedişatında ölənlərin sayı 4356 nəfər göstərilib. BMT-ın nümayəndələri bu siyahıya "Boinq" qəzasında həlak olmuş sərnişinləri də daxil edib.

“Noyabrın 25-ə olan məlumatlara görə Ukraynanın şərqində öldürülmüşlərin sayı 4356 nəfər (Boinqin qəzasında 298 qurbanı daxil olmaqla) təşkil edib, yaralanların sayı isə 10018 nəfərdir", -deyə məlumatda bildirilir.

Keçən ay ərzində öldürülənlərin sayı 600 nəfər artıb. BMT-ın ötən ay üçün yaydığı məlumatda göstərilirdi ki, Ukraynanın şərqində həlak olmuşların ümumi sayı 3724 nəfərdir.