16 Yaşlı Bu Qız İnternet Aləminin Kraliçasıdır!

O eşidib gördüyünüz ən populyar gənc qızdır. İnstagram və Facebook hesabından 1.4 milyon nəfərin izlədiyi 16 yaşlı Sidneyli Sara Ellen internet aləminin kraliçasıdır. Sara verdiyi bir müsahibədə bunları deyir: " Uşaqlıqdan əyləncə sektorunda işləməyi xəyal edərdim. Amma insanların mənim həyat tərzimlə maraqlandığı üçün özümü birdən birə əyləncə sahəsində görəcəyimi düşünməmişdim. Bu həqiqətən də çox gözəldir. Bəzən hətta bunun yuxu olmadığına belə inana bilmirəm"

Üç il əvvəl bir musiqinin müşayiəti ilə qaşlarını gülməli bir vəziyyətdə oynadan Saranın məhşurluğu elə o zamandan başladı. Youtube sosial şəbəkəsinə bu videonu yükləyən Sara bu kadrların ona çox izləyici qazandığını söyləyir. Video 56 milyondan çox insan tərəfindən izlənilmişdi.




Sara sosial şəbəkələri yalnızca onu sevənlərlə görüşdüyü bir yer kimi deyil, həmçinin, öz yaşam tərzi, həyatı, fikirlərini rahatlıqda bölüşə bildiyi bir yer kimi görür. Gənc qızın Facebook-da 686 min, Twitter-də 91 min, İnstagramda 723 minlik izləyici kütləsi var.


Saranın internet şöhrəti ona bir çox fürsətlər də gətirdi. Avstraliyanın məhşur moda firmalarından olan Supre, ona modellik təklif etdi. Uşaqlıqdan bəri bu firma məhsullarından istifadə edən Sara, bu işbirliyinin onun üçün qürurverici olduğunu söylədi. Keçən il modellik təhsili üçün məktəbi atan Sara üçün bu firmadan gələn təklif çox sevindirici hal idi.
[media=https://www.youtube.com/watch?v=6Zx39v3JUUI]
Hər şey bu video ilə başladı
Müəllif: Ülkər Allahverdiyeva
Mənbə: http://onedio.com/haber/sosyal-medyanin-16-yasindaki-genc-kralicesi-sarah-ellen-428469?utm_source=onediocom&utm_campaign=facebook_page&utm_medium=facebook
Diqqət: Məlumat internet səhifələrində istifadə edildikdə hiperlink vasitəsi ilə istinad mütləqdir.