Eto`O Misir fironunun lənətlənmiş malikanəsini satın aldı

Karyerasının qürub çağını yaşayan Samuel Eto`O son dörd ildə 5 klub dəyişib. Hazırda “Sampdoriya”nın şərəfini qoruyan kamerunlu futbolçu daha oynadığı futbolla o qədər də gündəmə gəlmir. Əvəzində...

Publika.az xəbər verir ki, Samuel Genuya əyalətində Portofino yaxınlığında dəyəri 25 milyon avro olan villa alıb və daha 3 milyon avro təmirə xərcləyib. Ən maraqlısı isə odur ki, bu malikanədə vaxtilə Misir fironu Tutanxamon yaşayıb. Yerli sakinlər əmindir ki, bu ev lənətlənib, orada hələ də Tutanxamonun ruhu dolaşır. Amma bu, futbolçunu narahat etmir.

Əvvəllər villa lord Karnarvona məxsus olub. Məhz o, vaxtilə Tutanxamonun qəbrini açmağa cəhd edib. 1923-cü ildə arxeoloq Hovard Karterlə birlikdə qəbri açan lord rəvayətə görə lənətlənib. Qəbrin açılmasına şahidlik edən 58 nəfərdən səkkizi Karnarvon da daxil olmaqla tezliklə dünyasını dəyişib.