Braziliyada məhbuslar 120 nəfəri girov götürdülər

Braziliyanın Serjipi ştatındakı həbsxanada qiyam qalxıb.

Qiyamçılar 122 nəfəri girov götürüblər.

Həbsxananın nümayəndəsi Sandra Melunun dediyinə görə, girovların əksəriyyəti ziyarətçilər, yəni elə məhbusların yaxınları və qohumlarıdır. Melu bildirib ki, çaxnaşma həbsxananın yalnız bir hissəsindədir.

Girov götürülənlər arasında ən az 4 mühafizəçinin olduğu deyilir. Hüquq mühafizə orqanları əməkdaşlarının dediklərinə görə, hələlik girovların həyatı üçün təhlükə yoxdur.